അയാൾ വെറും പ്രാക്ടീസ് ചെയ്യുന്ന വക്കീലാ, കേസ് കൊടുക്കാൻ കൊള്ളുമോ?

എൻറെ ഒരു സുഹൃത്തിന് കോയമ്പത്തൂരിൽ നിന്നും ഒരു സമൻസ് വന്നു, എന്നോട് കേസ് ഏറ്റെടുക്കാൻ ആവശ്യപ്പെട്ടപ്പോൾ , ഞാൻ ഇവിടുന്ന് പോയി അവിടെ കേസ് നടത്തുമ്പോൾ വലിയ ചെലവും ബുദ്ധിമുട്ടും ഉണ്ടാകും, കോയമ്പത്തൂരിൽ പ്രാക്ടീസ് ചെയ്യുന്ന ഏതെങ്കിലും വക്കീൽ ഉണ്ടോ നോക്കട്ടെ എന്നും പറഞ്ഞ് സമാധാനിപ്പിച്ചു വിട്ടു.







സുഹൃത്തായതുകൊണ്ട് തന്നെ ഫീസ് ഒന്നും വാങ്ങാൻ പറ്റില്ലല്ലോ അതാണ് പ്രശ്നം, പക്ഷെ പിറ്റേന്ന് രാവിലെ തന്നെ പുള്ളി എന്നെ വിളിച്ചു, “ടാ പ്രാക്ടീസ് ചെയ്യുന്ന വക്കീലിനെ ഒക്കെ ഏൽപ്പിച്ചാൽ ജയിക്കോ? പൈസ പ്രശ്നമല്ല, നല്ല വക്കീലിനെ തന്നെ ഏൽപ്പിച്ചോളൂ”